冰上火花｜MIRROR三子冰球勵志故事！一文睇清火花隊暴風隊形勢 大量隱藏人物未出場？

近年運動主題電視劇引起不少迴響，例如籃球主題的《季前賽》、排球主題的《男排女將》，以及游泳主題的《I SWIM》、拳擊主題的《繩角》等，既熱血又掀動運動熱潮。今晚ViuTV再有運動主題電視劇開播，以冰上曲棍球運動作故事背景的《冰上火花》今晚播映，主角包括MIRROR三位成員，兩大隊長楊樂文 (Lokman)、江𤒹生 (Anson Kong)，以運動細胞強勁的陳卓賢 (Ian) ，其他主要角色包括柯煒林 (Will Or)、林家熙 (Locker)，以及朱鑑然等。

MIRROR三子初戰冰球場各顯身手：陳卓賢由零學起

冰上曲棍球 (Ice Hockey，簡稱冰球) 源自北美加拿大與美國等地，在香港不算熱門運動，MIRROR三子參演《冰上火花》，操練溜冰與學習冰球技巧，極具挑戰性。MIRROR成員之一陳卓賢出名運動出色，排球、籃球都難不到他，今次出演《冰上火花》，卻要由溜冰開始學起。開劇前接受了2個月訓練的Ian指：「由零開始一次過學晒溜冰同冰球。運動底子幫到我訓練個陣無咁易攰。試過有次自己3個鐘無間斷咁練，都仲未覺得攰。我自己係好鍾意學新嘢，當全神貫注去學一樣新嘢嘅時候，其實係好有成功感。可以寓工作於娛樂係一件好開心嘅事嚟。」

ViuTv最近釋出前導預告中，Ian一句：「只有輸唔起嘅人，先有機會贏！」極句挑撥意味。

Ian在劇中不少演技發揮，另一個預告當中，他與教練對話時爆喊，十分激動！

Lokman、Anson Kong正副隊長齊上陣

Lokman 笑言今次的壓力不是在於體能上，而是技術層面：「因為真係要落功夫先做到。我哋上咗冰面嘅話，就變咗唔識行路。唔識行路就好多嘢都做唔到。」被問及會否有興趣組明星冰球隊，Anson Kong直言：「如果可以原班人馬抽到時間打返一兩場就好，因為都唔想荒廢咗呢個技能。一班人得閒約下就會有動力啲去打。」Lokman亦興奮指：「成班人著哂Gear一齊行出去，幾勁！型呀！」二人笑指因相對地進步比較慢，而被同劇演員「挑機」：「佢地成日走過嚟係我地面前做啲特別動作，例如特登剎停刨啲冰俾我哋，又不停係我哋前面兜圈。」被問到邊個最調皮時，AK笑指是黃溢濠，而Lokman則笑言是Ian。

Anson Kong為宣傳發放「潛力圖」自比木村拓哉《冰之驕子》

A post shared by (@) on

《冰上火花》今晚播映，MIRROR副隊長Anson Kong為宣傳也為大家製造話題點，將自己的劇照配對 2004 年木村拓哉的冰球神作《冰之驕子Pride》，木村主演的冰球神劇，原來不經不覺已經19年，同是MIRROR成員的Tiger邱傲然「曲中帶圓」留言表示「直頭一模一樣啦師兄」、殿堂娛樂評論平台「King Jer」就表示「有木村3成👍🏻」，不過亦有網民在討論區不留情面表示Anson Kong此舉「公開處刑自己」、「唔評論個樣，頭盔同角度已經扣分」、「真係無對比,無傷害」 ……小編覺得Anson Kong冒著負評之險出力為劇集宣傳，都算十分勇敢！

2圖睇清！《冰上火花》Ian與Will Or演兄弟 新手進入冰球世界

《冰上火花》今晚首播，第一集講述飾演冰場小職員千帆的 Ian，遙望哥哥百威（Will 柯煒林 飾）受眾人擁戴，自己卻吊兒朗當，兄弟間成就如天壤。「火花」面對強隊「暴風」（主將有 Lokman與Anson Kong的一隊），兩隊爭持不下。但隨著百威受傷，火花隊旋即陷入劣勢。大家勸他退場，業餘比賽而已，何必拼命？可是百威可以接受失敗，但決不半途而廢。哥哥受傷，成為細佬走上冰球之路的契機。

《冰上火花》隊員眾多，敵友難分，而只要留意《冰上火花》的宣傳海報，即可以兩圖睇清「火花隊」與「暴風隊」陣勢，火花隊有Will Or柯煒林帶細佬Ian入隊，其他成員有朱鑑然、Locker等；而「暴風隊」就有MIRROR正副隊長、AnsonBean陳毅燊等；另外宣傳海報之中見到將會與Ian發展感情線 (?!) 的Ashley林凱鈴，以及首5集當中尚未有大量戲份的Collar成員Goo沈貞巧，可見未來劇情將會有許多轉折與發展，令人期待！